أدوات عدة الخياطة

 الخياطة من الحاجات اللي محتاجه مجهود و مثابرة، محتاجه مهارات معينه من اللي شغال عليها عشان النتيجه تطلع كويسه، زي الدقه و الصبر سواء على المدى البعيد أو القريب…
يعني الشغل ممكن ميطلعش مظبوط من أول مره، و ممكن نحتاج وقت (شهور) عشان مستوانا في الخياطة يتحسن. لكن أكتر حاجه بتفرق معانا في النتيجة هي عدة الخياطة، لازم نفهم الأدوات المختلفة ووظيفتها. الإستثمار في العده الصح هيفرق معانا في توفير الوقت والمجهود وطبعاً المنتج النهائي بيبان فيه جداً.
دلوقتي هنعرفكم بالأدوات المختلفة..

 أدوات القص

مقص عادي •
مقص القماش لازم يكون حاد جداً و يمشي بسلاسه في القماش، وده بيتحقق لما نسنه كل فتره (مش لازم يكون جديد) وكمان لازم نراعي عدم إستخدامه مع الورق أو أي ماده تانيه عشان ده بيأثر على كفائتة.
مقص صغير للتنضيف •
 ده هايل لقص الفتل اللي بتتكون نتيجه الخياطة
  مقص زجزاج •
و بيستخدم مع بعض أنواع الأقمشة لتجنب تنسيل الحواف، و أحياناً لأسباب تجميلية
مقص دائري •
 يستخدم مع مسطره و لوحه تقطيع و بيستخدم للقص في خطوط مستقيمة قصيرة.
Seam ripper  الفكاكة •
بيستخدم لفكل الخياطات الدقيقه بدون التأثير على القماش
                                                          

أدوات القياس 

• مازوره
مقاساها غالباً 150 سم و الناحية التانية بتكون مقياس البوصه.
41fbe83237d676c1c8eb7a3ae366834c
زمان كانوا بيستخدموا المسطره الخشب الكبيره 

العلامات

• العلامات مهمة لتحديد مكان القص أو الخياطة و لتعليم الباترون كمان،  ممكن نستخدم مارك طباشير او شمع، قلم رصاص أو قلم قابل للغسيل
fb90934da0e442d209335a1c6bfd130d
Marking fabric13
• عجله الروليت
من الأدوات المستخدمه في عمل العلامات وتستخدم مع ورق الكربون لنقل الباترونات
 Marking fabric01

أدوات الخياطة

• إبر
 بتكون بماقاست وأطوال مختلفه
needles
نصيحة غزل بنات: دوروا على الإبر المفتوحه، بتتلضم أسهل
spiral-eye-needle
 • دبابيس
الدبابيس مهمة جدا لتثبيت القماش اثناء الخياطة وممكن تضيع أو تتوه فممكن تخليها في متناول ايديك بالشكل ده
1604390_654970141213617_1671907878_n• بكر خيط
 مش لازم يكون الألوان كلها عندنا بس على الأقل الألوان الأساسيه والمحايده.
أنواعة كتير ولازم نراعي الخيط المناسب، يعني مثلاً القطن بيتقطع بسهوله مع بعض الأقمشة على عكس البوليستر قوي ومناسب لأغلب الماكينات، عشان كده نحاول نستثمر في خيط كويس .
basics-types-of-sewing-threads

الخياطة اليدوية

لازم تطوري مهارتك في الخياطة اليدويه لأنك هتحتاجيها في وقت أكيد
أكتر غرزه مستخدمه هي غرزه السراجه

4f100d712883b6ca1ab7d0871d990d90

أدوات الباترون

• ورق
How_to_trace_a_sewing_pattern_04
• مساطر الحردات
بتستخدم لتسهيل رسم ونقل الحردات المختلفه، زي الكم والياقة
How_to_trace_a_sewing_pattern_12
 

ماكينة الخياطة

محتاجين مكوك لكل لون خيط مستخدم فخلي عندك دايماً مكوك زيادة.
• ابر الماكينة
الأرقام الصغيرة على كبر حجم الإبرة أما الأرقام الكبيرة ( بعد رقم 9 ) فتدل على صغر حجم الإبرة ودقتها .وبفضل الإبرة رقم 9 للخياطة
لازم نفهم إن لكل نوع ماكينه إبر معينه
لازم يكون عندك زياده لأن أكتر مشكلات الخياطة بالماكنه هي كسر الإبر. ده غير إن بعد كل إستخدام المفروض نغير الإبره بس أنا بغيرها لما تتلم
الابره المزدوجه
                                               eeb75fcccd4d1853c5ca79a6b4c79dde    sewing-needles-005-910x1024
• دواسة الماكينة 
الدواسة بتتغير حسب اللي عايزين نعمله عليها، يعني مثلا لما نحتاج نركب سستة ممكن نستخدم دواسة مختلفه عن الخياطة العاديه و مختلف عن السرفله.
الصوره دي فيها الدواسات الأكثر شيوعاً
54a8f156b8bc8241a8d64cc855a1495d

خامات أخرى

• زراير

تركيبها بيكون يدوي في الغالب وممكن كمان تركب بالماكينه بالدواسة المناسبة

81bb6538d5a6c5e00c8eabb4536843fb
• سست

بيكون ليها دواسة مخصصه لمكنه الخياطة، زي موضحنا فوق. وتركيبها مش سهل، محتاج حد متمرس.

bbec9bb23f038cac578a8b8b6a252d35
• أستك

ليه تكنيك معين على المكنه هنتكلم عليه بعد كده

d6811596f57c3aef27e0f9ff14da5d42 • بييه أو شريط الورب

مستخدم في تغليف الحواف واعطاءها شكل جمالي

                                                    dbadc0054e4bd447b5f43cb791698ac5     5d4097aebe32d9a71ee35b7fe0229f99 (1)
• فازلين
ده الإسم الدارج ليه، أعتقد التسميه جايه من “فارسليه” و ده نوع قماش مستخدم في الحشو.
ليه محتاجين حشو؟ عشان أساوير الأكمام و الياقات و المردات تبقى ناشفه و سهله التشكيل، بنضطر نحط طبقه من الفازلين بين طبقتين من القماش المستخدم.
في كام نوع دارج إستخدامهم بس ممكن إستخدام تفتاه صناعي أو صوف خفيف لو القماش عندنا اللي عايزين نحشيه بيكون خفيف قوي زي الكريب مثلاً.
1475870_644861368891161_1373870110_n
ملحوظة مهمة
لو القماش اللي هنستخدمه في أي مشروع مكرمش ومكسر، فالافضل نكويه قبل ما نبدأ قص.
لو جربنا نقص الاول وبعدين نستخدم المكواه، هنلاقي ان القماش شكله مش متسواي، او مختلف عن المقاس اللي عايزينه.

Marwa

{عضو مؤسس/Creative Director} ‫درست و بتشتغل في مجال الهندسة المعمارية بالنسبة لها الفن إسلوب حياة، و عمل حاجات جميلة من اللاشئ هو اللي بتعيش عشانه بتشتغل تريكو، كروشيه، خياطة و أشغال ورقية، وحاجات تانية متنوعة‬‎

You may also like...

3 Responses

  1. جداً رائع و هادف

  2. khadeeja says:

    موضوع مفيد..شكرا جزيلا

شاركنا برأيك