أفكار هدايا بسيطة من الكروشية للبنات

كل فترة بيكون عندنا مناسبات كتير بنحب نهادي فيها، أعياد ميلاد، أطفال بتتولد، ناس راجعة من السفر وغيره وغيره..
وبننزل وبنلف وندور على حاجة حلوة ومختلفة، مش دايما بنلاقي اللي عايزينه، غير ان الجودة ممكن ما تبقاش اد كدا.
ولو حصل واختارنا حاجة وارد جداً ان حد تاني يشتري نفس الهدية..

أحنا هنشارككم بأفكار سهلة وبسيطة ممكن تتقدم هدايا فى كل المناسبات، وممكن أى حد يعملها.
وتكون مختلفة وجميلة وعلى ذوقنا، وهتكون قيمتها أكبر عند اللي بنقدمها له، لاننا تعبنا وفكرنا نعمله حاجة مختلفة.

توك المشط

أول أفكار معانا، هدايا لطفلة أو صديقة، ويمكن دي مناسبة لكل أعمار البنات، هتعجب الكبير والصغير.

Bow

فاكرين التوكة المشط بتاعة زمان؟
ممكن نلاقيها موجودة فى السوق، لكن شكلها بيكون مش لطيف، ممكن نعمل فكرة زي دي، فيونكة تريكو او كروشية او حتى قماش ونلزقها فى المشط، والنتيجة توكة شيك جداُ، وبيبقى شكلها لطيف فى الشعر..

Kitty

دا شكل تاني للتوكة المشط برضة..

توك الكليبس

أما دي بقى فتوك كليبس، احجامها كتير، صغير ومتوسط وكبير، والوانها كتير برضة، ممكن نختار اللون اللي نفضله ونركب عليه أى حاجة، وردة أو قلب، او فيونكة..

Hart

Flower3

Flower

توكة أستيكIMG_0638

دي بقى التوكة الاستك اللي بنعمل بيها ديل الحصان، اخترت شكل ميني بفيونكتها، وشبكتها فى الاستك، شكلها على الاطفال رائع..

طاقية كروشيه منيون

Minion

أما دي بقى فطاقية المنيون، كل الاطفال بيحبوها سواء ولاد أو بنات، شغلها لطيف وسهل جداً، وممكن تتنفذ بقماش أو ننفذها تريكو أو كروشية..

الحاجات نفذتها لبنوتة أصدقائنا، وكنت سعيدة جداً وانا بقدم حاجة انا اللي عملتها..

لو حد جرب قبل كدا يقدم هدية، أي هدية من صنعه يشاركنا بأفكاره..منتظرين 🙂

Miada Ibrahim

مؤسس غزل بنات.. بحب كل الافتكاسات والاشغال اليدوية.. خياطة، تريكو، كروشية او تطريز..

You may also like...

1 Response

  1. فخورة بكن جداً وأنه أول واحدة عرفت عن المدونة من مروة.
    بالتوفيق وفي انتظار الجديد على الرغم من أني غير مغرمة بالشغل اليدوي.

شاركنا برأيك