أنا بحب الأشغال اليدويه بس مش عارف أبدأ إزاي…

في ناس نفسها تشتغل بإيديها بس مش عارفة هتحب إيه و إمكانيتها هتسمح بإيه.

تعرفوا منين أنهي حرفة تنفعكم؟
نصيحتنا ليكم إنكم تجربوا، سيبكوا من الموضة و اللي الناس بتعمله، أفضل طريقة هي تجربة حاجة جديدة تكونوا محتاجينها.
إبدأوا بحاجه صغيرة عشان تحسوا بالإنجاز و متتعقدوش لو معرفتوش توصلوا لنتيجة.
إشتغلوا و إتعلموا ومتجبروش نفسكم على الشغل لو مش حبينه، الشغل اليدوي ده ممتع، يعني المفترض تحسوا باستمتاع وانتو بتشتغلوا مش بضيق وزهق وضغط!
و في نفس الوقت لازم تعرفوا إن الشغل اليدوي بيحتاج معافرة عشان نتعلمه،ممكن ناخد وقت، نجرب والنتيجة تطلع مش مظبوطة..
لكن مجرد ما تنجحوا فى عمل حاجة من صنع ايديكم هتحسوا بسعادة كبيرة..
عافروا وما تزهقوش من التجربة و إدوها وقتها..

Marwa

{عضو مؤسس/Creative Director} ‫درست و بتشتغل في مجال الهندسة المعمارية بالنسبة لها الفن إسلوب حياة، و عمل حاجات جميلة من اللاشئ هو اللي بتعيش عشانه بتشتغل تريكو، كروشيه، خياطة و أشغال ورقية، وحاجات تانية متنوعة‬‎

You may also like...

شاركنا برأيك