ارنب من الجوخ

الجوخ خامة ممتازة زي عشان نعمل منها لعب صغيرة سواء هنعملها للاطفال يلعبوا بيها أو نعملها توك، او نعلقها على الملابس ونغير شكلها. وممكن كمان نستخدمها للديكور.

كانت اصعب مشكة بتواجهنا توافر خامة الجوخ لكن اخيرًا الجوخ موجود حاليا في اماكن كتير، منها غزل بنات شوب.

والسؤال، اشمعنى الجوخ بالذات؟

ميزة الجوخ انه بيقص ونقدر نشتغل بيه من غير ما يطلع خيوط مكان القص، ودي حاجة مش متوافره في القماش العادي

طيب ايه المشاكل التانية؟

المشكلة دي بتقابلني لاني فاشلة جدا في الرسم، فلو مفيش تصميم مرسوم جاهز وبنقله للقماش الموضوع بيكون صعب، وقليل لما نلاقي باترون مرسوم ممكن ننفذه. عشان كدا اختارنا النهاردة 4 باترونات تقدروا تنزلوها وتطبعوها وتتنقل بسهولة عالقماش.

اولهم، وهنشرحه بالخطوات، باترون ارنب واللي تقدروا تنزلوه من هنا

easter tute7

الادوات :

easter tute

– خيوط مناسبة لالوان الجوخ، ممكن خيوط تطريز قطن

– مقص

– ابرة

– فايبر للحشو

– قلم و مارك قماش

– الطوق، الكليبس او الدبوس اللي هنثبت عليه الارنب

– الباترون مطبوع

– الجوخ بالالوان المفضلة

عشان تعرف كل شئ عن الجوخ – قص ولزق اقرا ده

خطوات العمل :

هنثبت الجوخ على الباترون ونقص شكل الارنب والودان
ونرسم مكان العيون

easter tute2

هنرسم مكان العيون
ونثبت جزء الودن الملون

 easter tute1

هنثبت الجزء التاني من الودن بالشكل دا

easter tute3

نختار هنعمل العين بأي خامة، سواء هنثبت خرز، او هنشتغلها بالخيط. نخلصها وبعدين هنثبت الجنبين في بعض، ونبدأ خياطة من تحت الدماغ، وبعدين نحشيها بالفايبر.

easter tute5

هنكمل خياطة ومعاها حشو جزء جزء بالفايبر.

easter tute6

وبعدين نثبت البابيون.

easter tute7

واخر خطوة هي تثبيت الارنب في الطوق او الكليبس او الدبوس، ودا الشكل النهائي.

easter tute33

وكدا خلصنا مشروع الارنب. ودلوقتي وقت تجربوا بنفسكم وتختاروا واحد من الباترونات الجاية.

fd4065ec4cdf804633fbde311785336f

الباترون هنا. (هو بلغة غريبة، لكن الصور موضحة الخطوات، وموجود الباترون للطباعة)

feltmonstersfreepattern1

الباترون هنا

SewingSchoolDogsSML

الباترون هنا

مصدر ارنب من الجوخ 

Miada Ibrahim

مؤسس غزل بنات.. بحب كل الافتكاسات والاشغال اليدوية.. خياطة، تريكو، كروشية او تطريز..

You may also like...

3 Responses

  1. Nany says:

    تحفة والبلوج اروع

  2. hasnaa says:

    جمييل جداا عايزة اعرف اقدر اشتري القماش منين

شاركنا برأيك