باترون جوانتي من التريكو

Zemanta Related Posts Thumbnail

خالو كان عنده حق لما نصحني إني أسيب أول حاجات عملتها مفكهاش، دلوقتي بشوف اللي عملته في الأول و مستواي دلوقتي و بحس بفرق و بتشجع أكتر.

الحكايه بدأت إني الشتا اللي فات مكنتش لاقيه جوانتي يغطي نص إيدي في السوق، حاجه أقدر أستخدمها في الشغل و كمان مضطرش أقلعه كل محب أستخدم تليفوني. عشان كده قررت أتعلم تريكو و زي ما بيقولوا الحاجه أم الإختراع..

مع إني معجبنيش التريكو في الأول بس قررت أعافر وأتعلم، قد كده كنت محتاجة جوانتي!

 دورت و لقيت الفيديو ده. و بمساعدة ماما عرفت أمسك الإبرة في الأخر..

….عملت جوانتي مقاسه بايظ

.بس قررت إنها كانت تجربة فاشله و إني لازم أعملها مظبوطة تاني و خلاص. فعملت جوانتي تاني مقاسه مظبوط

…و قضى الغرض أيامها جداً

 بس الظريف مش إني عملت جوانتي، الظريف إني بشتغل تريكو من يومها و بحبه جداً، و يكاد يكون هو  أكتر حاجه بحبها في الأشغال اليدويه كلها.

.ودلوقتي ببص على الجوانتي و مش بيعجبني بصراحه لأن شغله مش أحسن حاجة بس أنا بعتبره جوانتي الحظ لأن نقدر نقول إن الجوانتي غير حياتي بشكل ما

….لأي حد عايز يبدأ يشتغل تريكو و يعمل جوانتي الحظ، الطريقه والأدوات هتلاقوها تحت

الجوانتي ده ينفع ولادي و بناتي..
المقاس مناسب لشخص كبير، المقاس النهائي 8 * 18 سم
لو ده أول مشروع ليكم يستحسن تستغلوا بخيط تخين و فاتح و إبرة تخينه – أنا هنا بشتغل بخيط bulky  و إبرة 6.5 مم
2013-12-12 16.59.09

المهارات المطلوبة

عدد ساعات الشغل

3 ساعات للفردتين

الباترون

هنبدأ بعمل الحافه، نبدأ ب 24 غرزه و نسيب 20 سم خيط◄
ممكن نتحكم في العرض إننا نزود أو نقلل عدد الغرز الأولانيه *
◄ نعمل 15 صف بليسيه، غرزتين من الغرزه العدله knit stitch و غرزتنين من الغرزه المقلوبة purl stitch
◄ نعمل 12 صف من غرزة القماشة،يعني نبدل الصف كل ما نقلب الشغل،هنشتغل صف الغروة العدلة knit stitch وصف الغرزة المقلوبة purl stitch
 ممكن نتحكم في الطول بإننا نزود عدد الصفوف *

نعمل 4 صفوف بليسيه، غرزتين من الغرزه العدله و غرزتنين من الغرزه اللي المقلوبه◄

نقفل الشغل و نسيب 20 سم تانين من الخيط ◄

دلوقتي عندنا قطعة مربعة هنطبقها بالطول بحيث الغرزة اللي شكل ضفيره تكون لجوه ◄
◄ نخيط الناحيتين في بعض من فوق لتحت (من عند البليسيه الأقل) نلضم الديل اللي كنا سايبنه في إبرة خياطة الصوف Tapestry Needle و نخيط 5 سم و نقطع الخيط الباق بس نسيب ديل تاني طوله 5 سم تقريبا و منعقدوش

◄ نبدأ تاني خياطه من تحت لفوق (من الناحيه اللي فيها بليسيه أكتر)  نلضم الديل اللي كنا سايبنه في إبرة خياطة الصوف Tapestry Needle و نخيط حوالي 8 سم

◄دلوقتي في فتحه في النص بين الخياطتين اللي عملناهم مكان للإبهام. نجرب الجوانتي و نشوف إذا الفتحة بتاعة الإبهام مناسبة أو عايزه تكبر أو تص

◄نقفل الشغل ونعقد الخيط ونقطع الخيط الزيادة بعد ما نثبتة كويس

◄ دلوقتي هنقلب الجوانتي وبكده يبقى نص الشغل انتهى.

نكرر نفس الخطوات عشان نعمل الفردة التانية..

مين هياخد الخطوة معانا ويجرب يعمل جوانتي الحظ؟

 

Marwa

{عضو مؤسس/Creative Director} ‫درست و بتشتغل في مجال الهندسة المعمارية بالنسبة لها الفن إسلوب حياة، و عمل حاجات جميلة من اللاشئ هو اللي بتعيش عشانه بتشتغل تريكو، كروشيه، خياطة و أشغال ورقية، وحاجات تانية متنوعة‬‎

You may also like...

2 Responses

  1. HODA shafeek says:

    الله يننور يا سكره،واجمل شئ انك بتحترمى وتقدرى كلام الاخر

شاركنا برأيك