تحدي ٢٠١٦

ربما يكون عدى شهرين من بداية 2016 ويكون الكتابه عن التحدى ده متأخره بس أنا بلوم ده على الشغل الكتير اللي مضطره أعمله في المشروع.

إحنا في غزل بنات بنشتغل كتير قوي عشان نقدر نوفر خدمة كويسه و إحترافيه للناس و نسينا إننا في الأصل بنحب نعمل حاجات و نسينا إن الشغل بيهون علينا كتير من ضغوط الحياه. الفكرة دي جاتلي أول السنه لما قررت إني أعمل لنفسي حاجه عشان تقريباً إكتشفت إني معنديش حاجه من تنفيذي في دولابي. و لقيت نفسي واحشني الشغل جداً وواحشني إكتشاف نفسي في مجالات جديدة ومشاريع متنوعة.

قررت أعمل تحدي إن أعمل في خلال السنه دي 50 مشروع جديد*، ممكن يكون بتقنيه جديده، ممكن يكون حاجه معملتهاش قبل كده، ممكن يكون بطريقة جديده. أنا بحب التحديات بس دايماُ بكون خايفه مكملش الالتزام للأخر، عشان كده بشارككم معايا دلوقتي و هشارككم معايا التطورات أول بأول..

في الشهرين الي فاتوا عملت كام حاجه جديده، أولهم فيديوهات بالتعاون مع سوبر ماما، يارب تكون فادتكم، كمان عملت مشروعين خليني أشاركهم معاكم

2016-02-20 18

2016-02-19 21

نفسي أجرب التطريز، هو مش صعب أنا عارفه بس أنا دايماً بخاف و أنا بعمل أي حاجه جديدة معملتهاش قبل كده. نفسي أتمكن من الرسم و التلوين، بدأت شويه بالألوان الميه و الكتابة و دي كانت النتيجة، مش أحسن حاجه بس خليني أوثق أول تجربة.

2016-02-23 15.202

عندي قايمة كبيره بحاجات عايزه أعملها و أحققها و بتمنى أقدر أعمل ده في خلال السنه دي إن شاء الله.

*لو عايزين تتابعوا التحدي تابعوني على انستجرام على الهاشتاج ده #50newthings2016

Marwa

{عضو مؤسس/Creative Director} ‫درست و بتشتغل في مجال الهندسة المعمارية بالنسبة لها الفن إسلوب حياة، و عمل حاجات جميلة من اللاشئ هو اللي بتعيش عشانه بتشتغل تريكو، كروشيه، خياطة و أشغال ورقية، وحاجات تانية متنوعة‬‎

You may also like...

3 Responses

  1. شيماء says:

    السلام عليكم
    ممكن اعرف منين اجيب قماش الجوخ فى مصر

  2. Raghda says:

    حقيقي الموقع رائع ومفيد جدا وشامل شكرا جدا لتعبك ربنا يعوضك وتحقق كل احلامك وتحدياتك وشكرا لانك اديتني حافز احقق مشاريعي المختلفة واقدر اعمل خبرات جديدة ممكن تضيف لناس تانية زي ما انت وساعدتيني وكل الناس اللي قدمت تعليم من غير مقابل عشان تبني ناستانية

شاركنا برأيك