توسيع البنطلون الجينز

tri

لو بنطلونك الجينز المفضل ضاق عليكي لو وزنك بيتغير باستمرار هنعرفك إزاي ممكن تظبطيه.

١- قيسي البنطلون واحسبي محتاجه قد ايه عشان يكون مظبوط.

٢- فكي الخياطه من الجوانب من بعد الكمر بمقدار ٥ ل ٢٠ سم حسب الوسع المطلوب.

٣- إقطعي الكمر من النص في كل جانب و ظبطيه بحيث يكون محاذي للخياطه المفكوكه.

٤- دلوقتي هتقصي قطعه من الجينز اللي هتوصلي بيها حسب المقاس اللي محتاجاه عشان نعمل وصلة الكمر، زودي عليها ٣-٤ سم للخياطه و قسميها على ٢.

٥- ثبتي قطعة القماش اللي هتوصليها في مكانها مع جانب من الكمر بدابيس مع  مع مراعاه إنها تكون مقلوبه على ضهرها بحيث يكون الوشين متقابلين (right sides together) لجوه.

٦- نوصل الحرف التاني و نخيطهم في بعض.

٧- اقلبي القماش على وشه و قسميه بحيث يكون في محاذاة الكمر، أكويه بحيث التنيه تثبت.

 ٨، ٩- بعد ماعملنا الكمر هنلاقي في شكل رقم ٧ ظهر، مكانا لفتحتين اللي فكناهم و الكمر الجديد، نحط جواها قطعة قماش تانية

 ١٠-  نثبت القطعة الجديدة في الكمر بحيث الخياطات تكون مستخبيه ويكون شبه خياطة البنطلون الأصلية.

١١- بعد متثبتي وتخيطي عيدي خياطه (topstitch) كل الحروف عشان تدي شكل جمالي، وراعي لون الخياطه في البنطلون وإستخدميها.

لو عايزة تعرفي معلومات أكتر عن كيفية خياطة والتعامل مع قماش الجينز شوفي اللينك ده

ده مقال مترجم و هنا هتلاقي المصدر

Marwa

{عضو مؤسس/Creative Director} ‫درست و بتشتغل في مجال الهندسة المعمارية بالنسبة لها الفن إسلوب حياة، و عمل حاجات جميلة من اللاشئ هو اللي بتعيش عشانه بتشتغل تريكو، كروشيه، خياطة و أشغال ورقية، وحاجات تانية متنوعة‬‎

You may also like...

1 Response

  1. December 29, 2014

    […]   وكمان ترجمنا مواضيع كتير منها 7 طرق للإستمتاع بالأعمال الفنية مع طفلك و مواضيع متعلقة ب#الخياطة زي طريقة توسيع البطلون الجينز […]

شاركنا برأيك