دليل أنواع الصمغ

حصل معانا قبل كده إننا اتلخبطنا في أنواع الصمغ وبوظنا المشروعات اللي بنشتغل عليها! الفوم تآكل، كل حاجه فكت من بعضها، أو الورق موج؟

لو نزلنا مكتبة كبيرة زي سمير وعلى، ألوان أو بين أند بيبر هنلاقي أنواع صمغ كتير؛ طب نعرف منين النوع المناسب للمشروع اللي عايزين نعمله؟ وخاصة إن ممكن الخامات اللي عايزين نلزقها تكون مختلفة في الخصائص.  هنتكلم في موضوعنا عن الأنواع المنتشرة  في المكتبات وعن إستخدام كل نوع على حده و الخامات المناسبة لكل نوع صمغ..

مسدس الشمع – Hot glue

يستخدم في : المشاريع المجسمة، يعني مش مناسب للزق الأسطح المستوية، زي الورق أو القماش.

الخامات المناسبة : الخشب، القماش ،الكرتون، أنواع معينة من البلاستيك والسيراميك.

 العيوب : الحرارة الشديدة ممكن تحرق خامات، او تلسعنا لو ما بنتعاملش بحذر، لازم ناخد بالنا خاصة لو في أطفال.

 صمغ ستيك – Stick glue

الخامات المناسبة : الورق أو الأسطح الخفيفة.

 مناسب للأطفال.

صمغ كل الأغراض – All purpose glue

الخامات المناسبة :  مناسب بالفعل لأغلب الخامات زي الخشب و الجلد و القماش، الجوخ ،الورق، الكرتون و الفيلين  و البورسيلين و المطاط و المعدن الخفيف و أنواع معينة من البلاستيك.

الخامات الغيرمناسبة : الستايروفوم وخامات البلاستيك الصناعية، بيتفاعل معاهم و بيسبب تآكل، الورق بسبب تعرجه فيفضل عدم إستخدامه مع الورق.

 عيوبه : بيحتاج فرد عشان الأسطح تكون مستويه تجنباً لأي تمويج أو كلكعة.

2014-04-12 00.01.41

صمغ الورق  –  Stationery glue

الخامات المناسبة : الورق.

مناسب للأطفال و خاصة مع العبوة المُحكمة.

2014-04-15 14.02.49-2

غراء الخشب – Wood glue

الخامات المناسبة : الخشب.

لصق فوري – Super glue

الخامات المناسبة : البلاستيك، السيراميك، المعدن، مطاط، ستايروفوم.

الخامات الغيرمناسبة : الجلد، القماش و اليلاستيك الصناعي.

يستخدم بكميات بسيطه جداً، كل ما كانت الطبقه رقيقه كلما كان التماسك أقوى.

صمغ اليدويات – Craft Glue

الخامات المناسبة : أسطح الخشب ، الورق، الزجاج.

مزاياه : غير سام، قابل للغسيل و أمن على الأطفال.

2014-04-15 14.01.48-2

Fevicol

دي ماركه تصنيع غراء صناعي بينفع في الأشغال اليدوية.

في منه نوعين

Fevicol MR

الخامات المناسبة :  الورق و القماش و الكرتون، زراير و خرز كمان.

Fevicol SH

 الخامات المناسبة :  الأسطح المسامية، على الأقل سطح من الأسطح يكون مسامي.

   مثل : الخشب ، الخشب القشرة، الخشب المصنع و جميع أنواع الفلين و كمان مع MDF.

لصق مؤقت

بيبقى شكل اللبان و يمكن إزالته من غير أي أثر.

الشريط اللاصق – Adhesive Tape

ممكن إستخدام الشريط و في منه أنواع : في ورق masking tape و ده بيستخدم غالبا في الأعمال الفنيه أو الاستنسل، ميزته بيتلزق بقوه و بيطلع بدون ميسبب مشاكل للسطح الملزوق عليه بسبب الصمغ اللي في.

في أنواع بلاستيك شفاف و أبيض بأكتر من سُمك و بماده صمغية متفاوتة في القوة، و ده في الأغلب بيستخدم للتثبيت.

2014-04-11 23.59.07-2

لصق الرش

من أسهل أنواع اللصق للإستخدام، بيستخدم كطبقه لتغطيه و تغليف أي اسطح، فيعمل كطبقه عازله. يوجد أنواع منه للقماش و اللي بيكون عملي جدا و سهل الاستخدام، لتثبيت القماش على أي سطح.

Double face

و ده نوع لطيف جداً للتثبيت أي أسطح خفيفه مع بعضها، يصلح للصق جليتر على ورق، ورق مع ورق، و يمكن عمل مجسمات من الورق باستخدامه مع إعطاء نتائج هائلة.

يوجد نوع منه بيكون سميك و بيستخدم لتثبيت الأشياء الأثقل و يمكن إستخدامها حتى على الحوائط

دي أغلب الأنواع المستخدمه و اللي موجودة في مصر.. 


يا ترى في أنواع تانية استخدمتوها غير اللي اتكلمنا عنها؟

وقولولنا تجربتكم فى استخدام الانواع اللي اتكلمنا عنها، واي نوع بتفضلوا تستخدموه..

Marwa

{عضو مؤسس/Creative Director} ‫درست و بتشتغل في مجال الهندسة المعمارية بالنسبة لها الفن إسلوب حياة، و عمل حاجات جميلة من اللاشئ هو اللي بتعيش عشانه بتشتغل تريكو، كروشيه، خياطة و أشغال ورقية، وحاجات تانية متنوعة‬‎

You may also like...

219 Responses

  1. هبة says:

    ايه الصمغ المناسب لو هنلزق قماش او ستان مع معدن فى شغل الاكسسوارات

  2. Dina Maher says:

    عندى شنطة جلد التمساح ومتبطنة بالورق المقوى وفكت منى لوحدها ايه نوع الصمغ اللي ينفع معاها

  3. Sara Akl says:

    في كمان الكله كويس و بيشتغل مع الأوراق و الخشب و حاجات كتير بس ريحته صعبه قوي
    و بالنسبة للقماش ممكن يتلزق بالفازلين بيتباع عند أي حد بتاع خيوط زي محل ” كل شىء”

  4. mahy fathy says:

    انا لو حبيت اشتري صمغ fevicol اشتريه منين ايه نوع المحلات الي بتبيعه يعني

  5. sara says:

    الفرق بين ال fevicol
    والغرا الابيض بتاع الخشب مش الاتنين غرا ابيض؟

  6. Mostafa says:

    اي افضل حاجه تلزق الفلين ( بوليسترين (
    و فين بيتباع لو سمحتوا ؟

  7. لو عايزه الصقنصبيان مصري ال هو شبه الكارتون عليه صنفره لعمل نشاط ايهالماده الازقه الصحيحه

  8. amal says:

    ورق الحائط بيتلزق بية

  9. Sara says:

    عايزة الزق فخار اللي هو طاجين الطبخ استعمل اي غرا؟؟؟

  10. Aya Yusuf says:

    ممكن نستخدم ايه عشان نلزق الجليتر على كاسات زجاج

  11. basem says:

    انا عايز صمغ استخدمه في تصنيع الشريط الورقي الاصق اللي ببستخدم في أعمال الديكور

  12. ali says:

    لو عايز الزق لوح mdf على الحائط استخدم اية ؟؟

  13. shaymaa mamdouh says:

    انا عايزة حاجة الزق بيها قماش علي قماش

  14. Reem says:

    لو انا حابه استخدم حلتر على سطح خشبي ايش استعمل نوع غراء

  15. sara moghazy says:

    لو حابه الزق كور لولي في بعض الزقها بايه استخدمت اوهو ومسدس شمع وفك من بعض

  16. Berna says:

    جربت ألزق الvelcro على الرخام بمسدس الشمع بس بيفك بعد فترة

  17. Fatma Ahmed says:

    طب لو عايزه الزق جليتر على معدن او زجاج بس يكون ضد الماء

  18. May Magdy says:

    ايه افضل لاصق للصق الزجاج ع الورق … مع العلم انى عاوزة الرسمه تبان ومش تبوظ

  19. ahmed fikry says:

    لوسمحت ايه اللي ينفع في لزق قماش علي رخام

  20. waleed says:

    في نوع غراء مطاطي ؟؟

  21. M says:

    هل لواصق الخشب ممكن تستخدم لكله ؟

  22. mohammed says:

    دلوقتي انا بلزق زجاج وبيبقي تحتبه صوره ومش حابب ان الصوره تبوظ استخدم ايه وهلاقيه بيتباع فين بالظبط !

    • Marwa says:

      ياما سبراي بين الصوره و الزجاج يا اما غراء مخفف بميه 1:1، و ياريت تبلغنا بالنتيجه 🙂

  23. hello says:

    Which is strongesr gorilla wood glue or bison montage kit ?

  24. انا عايزة الزق خرز علي الزجاج ايه افضل لاصق يكون شفاف؟

  25. eva says:

    عايزه الصق رقائق من الكانز على صفائح .. جربت لصق المعادن وفك

    • Mai elsayed says:

      لو عايزة الزق كتابى اعمل اية فى ورق من جوة الكتب اتفك وعايزة الزقو اية الحل

      • Marwa says:

        لو عايزه تلزق ورق على ورق هيكون افضل الستيك، لو ورق على غلاف هتحتاجي كُله او غراء

  26. احمد شاكر says:

    انا بعمل مفارش نيش وبلزق بمسدس شمع بس بعد ماخلص بلا قى الطبقه ال فوق مش ماسكه مع الطبقه ال تحت ممكن تفيدونى وشكرا

  27. Um zen says:

    لو بدي الزق ستراس ناعم على اشكال السيراميك اي نوع مناسب؟؟

  28. Shady says:

    السلام عليكم
    من فضلك انا باستخدم ورق ديكال للطباعه على الكاسات والاسطح الصلبه.
    ايه افضل نوع لاصق شفاف ممكن يساعدني ف لصق الورق على الاسطح دي؟؟؟ والاقيه فين؟؟؟

  29. Moly W Hana says:

    ممكن اعرف ايه المناسب عندي تربيزه السطح زجاج والمفروفيه زي مسمارين كبار معدن بتتلزق عليها عشان تتثبت بس للاسف اللزق فك وعايزه حاجه قويه

  30. Ahmed says:

    لو سمحت عاوز ألزق احجار زجاجية على برطمان زجاج جرب مسدس الشمع الأحجار فكت ياترى اجرب ايه وشكراً

  31. Lina Elznate says:

    لو سمحتى لصق الجوخ على قماش ايه ومايتاثرش بغسيل

  32. وسام says:

    لو عايزة الزق حاجة كروشيه على قماش أو بالأخص على تى شيرت

  33. mai says:

    طيب لو سمحتى عايزة اعمل صينية خشب ومحتارة استخدم نوع اللزق اية خصوصا انى هحط فوقها كاسات

    • Marwa says:

      بتلزقي القماش أو الورق بسبراي لزق و بعد كده بتحطى لزق ريزن بيعمل زي طبقة طده عازلة

  34. Marwa says:

    ابه افضل لزق لحليه بلاستيك على خشب اى شريط بلاستيك على خشب

  35. Omnia Sayed says:

    عاوزة الزق كروشية ع كرسي جلد استخدم لزق اى ؟؟

    • Marwa says:

      أعتقد ده هيحتاج تثبيت أقوى من اللزق، محتاجه تثبتيه بخياطة الأول و ممكن سبراي لزق

  36. reham khaled says:

    لو سمحتى عايزه الزق ورق ملون ع كرتون أستعمل ايه غرا خشب واخففهولا ايه؟؟وبالنسبه للجليتر اللى بيتلزق ع الزجاج استعمله ايه؟؟

    • Marwa says:

      بالنسبة للورق الملون على كرتون إستخدميه غراء أبيض مختلف عن غرا الخشب

      الجليتر غراء مخفف و ممكن غرا اسبراي كمان

      • nour kamal says:

        من فضلك معايا جراب نظاره جلد وكنت عايزه اعمله شنطه سواريه بالجليتر..ولاقيت طريقه باستخدام اللاصق المائي بس مش عارفه يعني ايه لاصق مائي..ممكن توضحيلي وتقوليلي اجيب ايه

        • Marwa says:

          معنديش فكرة عن اللاصق المائي بس تقدري تستخدمي معاها صمغ أبيض بس لو لون الجليتر مختلف اديها طبقة لون أكريليك الأول

  37. أنتي اللي هتقدري تنقذيني 😀 بصي أنا عايزة أعمل خاتم زي اللي فالفيديو ده: https://www.youtube.com/watch?v=PKJf7kNP2vI بس نوع الصمغ اللي البنت استخدمته مش في مصر، فإيه ممكن يكون البديل؟

    • Marwa says:

      هي الخواتم دي بتتعمل بحاجة اسمها ريزين بس مش موجود برضه هنا خالص، حتى الحاجات اللي كانت موجوده معدتش بتزل للأسف

  38. Fatma says:

    لو سمحت لو عايزة الصق مشمع خفيف على رخام الصقه بايه

  39. ahmedzedan says:

    ايه الصمغ المناسب للصق القماش بالبلاستيك ويكون قوى مايفكش

  40. Reena says:

    عندي حمام سباحه بلاستيك اتخرم الصقه بايه عشان ميسربش مياه ارجو الرد وشكرا جزيلا

    • Marwa says:

      بيتعمله رقعة تسد الخرم و بيتلزق بنوع معين من اللصق هتلاقيه عند بتوع الحدايد والبويات

  41. Sally says:

    لو عايزه الزق ورد بفروع زي اللي بيكون في التيجان ده بس على قماش شيفون

  42. halah says:

    السلام عليكم , لوسمحتي انا عندي كوره بلاسنك ايش الصمغ المناسب لها ابغى صمغ مرن

  43. yousra says:

    طب لو عايزة الزق صلصال حرارى على بلاستك او كافر للموبيل

  44. ayman says:

    لو عايز الزق قماش قطن مع مشمع بلاستيك (اللى بيستخدموه كستاير فى الغرف اللى موجود فيها تكيف علشان يمنع تسريب هواء التكيف )ايه احسن نوع ؟

  45. mro says:

    لو سمحتم
    عندي حصان بلاستيك اتقطع ازاي يتلزق

  46. Hoda abdo says:

    عايزه الصق برايه معدن في غطاء بلاستيكي ايه انسب نوع جربت الشمع و لم يصلح

  47. احمد says:

    في مادة تلزق بالكرتون وورق الالمنيوم وتروح في الكرتون مع الحرارة تستخدم في ختم المنتجات البلاستيكية…اذا في مجال اعف شو هي وكيف فيني اصنعا

  48. mahmoud abdallah says:

    ايه الماده اللي ممكن الزق بيها خشب علي الحائط و تكون متانتها كويسه ؟

  49. Amaal says:

    طيب لو عاوزة الزق قماش على قماش ايه النوع اللى ينفع ؟

  50. Esraa Hammad says:

    عامله وردة من اللولى وعايزة الزق الماظ فى الفراغات اللى بين اللولى ابه افضل حاجه واجبها منين

  51. Marwa meroo says:

    لو سمحت لو عاوزة اعمل شنط الهدايا وتكون بتتحمل شويه عشان توزيعات السبوع استخدم ورق ايه واللزق يبقى مسدس شمع ولا ايه

  52. ابوفواز says:

    مرحبا
    انا عندي حجر مثل السيراميك يستخدم للشوي تدع من الوسط ويحتاج لغراء ويكون يتحمل حرارة النار
    وش الغراء المناسب
    شاكرا لك حسن تعاملك

    • Marwa says:

      أنا مش متأكده من الأسماء بس ممكن حضرتك تسأل حد بتاع حدايد وبويات عن غرا مضاد للحرارة وأكيد هيفيدك

  53. Yasmeen says:

    عايزة الزق بلاطة سيراميك فوق السيراميك ايه انسب حاجة تلزقه

  54. Islam says:

    لو سمحتي انا محتاج صمغ الورق اللي هو الشفاف السائل بس بكميه كبيره جمله يعني ممكن حضرتك تساعديني اقلاقيه فين

  55. هانى says:

    عايز الزق سفنج فى بعضة . عندى مرتبة سفنج فيها شق عايز الحمه فى بعضة

  56. Rasha says:

    ممكن اعرف ازاى الصق فى الجيبسوم بورد خشب mdf

  57. عبده says:

    عاوز اللصق ورق حائط بلاستيك على سراميك

  58. samira says:

    اريد فكرة …رح اعمل لوحة من كرتون للدرس …عم فكر بطريقة للزق اذا بدي اعرضها ع السبورة بالصف وتكون هالطريقة دائمة بحيث تبقى مرافقة الكرتون ..يعني مو كل مرة استخدم لزيق وقت عرض اللوحة وبعد الدرس شيل الزق

  59. Dinna says:

    لو عايزة ألزق قماش ستاير علي سيراميك استخدم ايه

  60. سيسكو says:

    لو سمحتي عايز زي mod podge ألاقيها فين

  61. Esraa says:

    لو هلزق حاجه علي الحيطه زي dream catcher الزهقها بايه او اعلقها ازاي مفيش حاجه اعلق فيها و عايزه حاجه احطها علي اللزق زي فراشه ورده ممكن الاقيهم فين برضه ..

    • Marwa says:

      ي بتتعلق بمسمار دايماً اي حاجة تانية هتكون تقيلة عليها و مش هتشيلها، ممكن بقى شماعة من اللي بتتثبت بالضغط لو حاجة مؤقتة

  62. Toma says:

    السلام عليكم من فضلك عايزه اعرف افضل لاصق يلزق حجر كريستال او زجاج على لوح خشبي وجزاكم الله كل خير

  63. Mohamed Madany says:

    عاوز اعرف انواع قويه جدا للصق double face وبتتابع فين ، وممكن على التوتير لو أمكن الرد

  64. Sara says:

    اي افضل حاجه للزق الالوان الخشبيه بورق الكانسون ؟؟

  65. سارة says:

    عايزة الزق ستراس على شوز . ينفع استخدم امير ؟

  66. Amr says:

    انا عندي كاميرا والجلد بتاعها اتفك يتلزق بايه

  67. خالد says:

    هل ممكن اكتب بالصمغ على القماش بواسطة قالب او فورمة للكلمة ، ثم انثر على الصمغ رقائق بلاستيكة صغيرة لامعة براقة. او بدلا من النثر اقوم بخلط الرقائق مع الصمغ قبل قبل استخدامه على القماش.
    هل هذه الطريقة ممكنه وايضا كيف اتجنب التصاق الصمغ بالفورمة.
    وشكر لك مقدما

  68. tara says:

    عاوزه الزق رسمه ورق علي فوم ممكن استعمل ايه لو سمحتي

  69. Sara says:

    ايه نوع الغراء اللي ممكن يوضع علي الوجه زي ماسك؟!

  70. omer says:

    السلام عليكم
    انا عايز صمغ على خشب واحط فوقه قطعة قماش بس ماتيبس يعني اشيل القماش وارجع وماتتلف
    مادة تشبع لاصق الوجهين

  71. roro says:

    ممكن اعرف اسم الاسبراي المثبت للجليتر على الأعمال الفنية

  72. Ahmed Malek says:

    فيه نوع بالانجليزي اسمه
    Rubber cement
    ده اسمه ايه عند المحلات بالعربي
    او لو له بدايل
    شكرا

  73. Rana says:

    بليز ازاي الزق قماش شمواه او قطيفه علي خشب و يكون ثابت و ميطلعش؟؟

  74. karim radwan says:

    انا عايز اعمل دلاية من خيط التريكو وعلشان الفه محتاج غراء بتتخفف بميه وبينزل فيها الخيط وبعد كدا بيتلف علي الشكل اللي انا عايز اعمله المهم بقي الغراء دي بعد ما بتنشف بتبقي ولا كانها موجودة اصلا وانا جربت كذا نوع ومعملش كدا
    الشئ التاني عايز اعرف نوع الغراء اللي بتستخدم في الطباعة علي الخشب

  75. Maha says:

    عايزة الزق استراس على جاكيت جلد استخدم ايه

  76. Aicha says:

    لو عايزه الزق صلصال عادي علي كرتون استعمل ايه من فضلك ؟

  77. نونى says:

    عيزة الزق استرس ولولى على الجذم والكتشيات افضل نوع لزق اية

  78. Makarem says:

    عايزه الزق ودع علي زجاج و خشب ايه أحسن نوع للزقشكرا

  79. كريم says:

    من فضلك ايه نوع لاصق لا يتأثر بالشمس أو الماء

  80. سها says:

    السلام عليكم
    انا عاملة مشروع بورتفيهات زى كدا
    https://www.facebook.com/profile.php?id=100016537142967

    لكن المشروع عمل زيكم كدا وفشل بسبب اللزق لأنى بعمل البورتفيه يقفل عن طريق السكوتش او الشريط اللاصق دا اللى بيكون فى الكوتشى غالبا بيتقفل بيه معظم الكوتشهات …لكن المشكلة انه السكوتش بلزقه فى القماش(بصنع البورتفيه من قماش القطيفة للتنجيد ومتبطن بكرتون) بمسدس الشمع وبيطلع اللزق بتاع الشمع من السكوتش دايما ويتفك السكوتش من القماش ويتفصل عن البورتفيه ….نفسى الاقى حل للمشكلة دى
    ممكن الزقه بايه ميطلعش منه ابدا

    • Marwa says:

      مبدأياً استخدمي للقفل زرار مغناطيس، وللزق جربي غراء لزق قماش أو اسبراي وممكن كمان تبطني القماش بفازلين تقيل بالإضافة للكرتون

  81. ola says:

    عندي بوت شمواه و قشر ممكن الزق الاجزاء المقشره بايه بحيث انها متظهرش

  82. Hanan says:

    عندي شبشب بلاستك حابه الزق فيه خرز او كرستال واحيانا قماش ايش افضل نوع صمغ

  83. Yassien says:

    هل ممكن تحكي اسعار تقريبية للأنواع دي او حتى ترتيبها في المقال من الأرخص الأعلى مثلا .. وشكرا على مجهودك الجميل

    • Marwa says:

      هو للأسف الاسعار بتغير كل شوية، بس مثلاً الحاجات اللي من ماركات معروفة زي الاوهو بيكون أغلى بس في الغالب كله اسعاره معقولة

  84. saad says:

    لدي اللبوم صور قديم وقد جفت لصقته ماهو الصمغ المناسب له

  85. Rwan says:

    طب لو سمحتم هو ايه النوع المناسب لو هنلزق بلاستيك على بلاستيك من نفس النوع مثلا زي بلاستيك ازايز الميا على سبيل المثال

  86. Asmaa says:

    أية أفضل نوع للصف الفلين علي الحائط بدون ما يترك اثر علي الحائط عند نزعه لتغيير الديكور

  87. fati says:

    انا لزقت لوحة على حائط زيتي ولما اجيت اشيلها اللاصق مابدو يتشال من الحائط واللاصق من نوع اللي بيسموه ذو الوجهين أو double face واريد طريقة لازالته بدون أن أحدث ضررا للحائط

  88. RH2000 says:

    السلام عليك

    انا ابي الصق ورق على فلين مسطح ؟ ايش افضل نوع صمغ؟

    وبعدين من الفلين ابي الصقه على الجدار ؟ ايش احسن نوع غرا؟

  89. عايزه الزق لعبه بلاستيك ايه افضل في اللزق واجيبه منين لو سمحتوا

  90. alanood says:

    تحية كبيرة لك يا مروى الله يوفقك افدتي الناس و موضوعك مرتب ورائع هذا احسن صدقه لك

  91. lolla says:

    لو عايز الزق لوح على الحائط استخدم اية ؟؟ بحيث لو حبيت اشيله في اي وقت ميسبش اثر علي الحائط

  92. لو حبيت الزق خيط مكرمية علي قماش استخدم اية

  1. December 29, 2014

    […]  إحنا بنحب #القص_واللزق والحرف الورقية جداً وشايفين إنهم حرف منسيه على الرغم من سهولتها وأهم ماده بنستخدمها في الحرف دي هي الصمغ، وعشان أنواعه كتير وبتلخبط عملنالكم دليل أنواع الصمغ […]

  2. February 7, 2015

    […] تجربة غزل بنات: أفضل صمغ للجوخ هو مسدس الشمع أو صمغ كل الأغراض […]

  3. September 11, 2015

    […] يمكنك إستخدام ورق لف هدايا أو ورق حائط يحلو لك، أهم شئ هو إستخدام الصمغ المناسب […]

  4. December 21, 2016

    […] دليل أنواع الصمغ – غزل بنات […]

شاركنا برأيك