طريقة عمل سبت من الخيش والقماش

showroom
بما ان عندي حاجات كتير محتاجة ترتيب، والعلب اللي موجودة فى السوق مش دايما مقاسها او شكلها مناسب، قررت اعمل حاجة فى البيت سهلة، بخياطة يدويه، ومش محتاجة وقت ومجهود كبير فى الشغل، واستخدمها فى ترتيب حاجات كتير..

المستوى 

مبتدىء

الادوات 

– خيش
– قطعة من القماش
– مقص
– ابرة
– خيط
– دبابيس
– ورق زبدة

الوقت 

من ساعة الى ساعتين

المقاس 

ممكن كل واحد ينفذه بالمقاس اللي يناسبه

الطريقة 

– أول حاجة هنكوي القماش، والخيش يفضل يكون مفرود عشان ما يتعبش فى الشغل
–  دلوقتي هنرسم علامة (+) على ورق الزبدة بالمقاس اللي نفضله بالشكل دا

IMG_6858
– دلوقتي هنثبت ورق الزبدة على القماش ونقص القماش..لكن هنزود طول القماش فى كل ناحية من الاربعة بحوالي 10 سم

2
– وبنفس الطريقة هنقص الخيش لكن بدون زيادات

3
– باستخدام الابرة والفتلة هنجمع كل ضلعين مع بعض ونخيط..هنبدأ بالقماش

4

ودا شكل الخيش بعد التثبيت

5

– هندخل الجزء القماش جوا الجزء الخيش، والاجزاء الطويلة في القماش هنلفها لبره بالشكل دا

6

– بالابرة والفتلة هنثبت جوانب القماش فى الخيش بغرزة صغيرة..بعد ما نخلص تثبيت هيكون دا الشكل النهائي

7
وبكدا خلصنا السَبت 🙂
ما اخدش وقت كبير، وتكلفته معقوله جدا
ونقدر نستخدمه فى ترتيب وتنظيم حاجات كتير، لعب اطفال، ادوات تجميل

8

9

تفتكروا ممكن نستخدمه فى ايه كمان؟

Miada Ibrahim

مؤسس غزل بنات.. بحب كل الافتكاسات والاشغال اليدوية.. خياطة، تريكو، كروشية او تطريز..

You may also like...

شاركنا برأيك