طريقة تركيب المكوك في ماكينة الخياطة

مكوك
يمكن صادفنا أكتر من مرة شكل البكرة دي، وكتير منا ما يعرفش هي ايه..
دا اسمه مكوك..
وهو جزء مهم جدًا من ماكينة الخياطة، مش بس مهم لا هو أساسي، من غيره مش هنقدر نخيط ولا غُرزة.
المكوك هو الخيط السفلي لماكينة الخياطة، واللي بيدخل مع خيط إبرة الماكينة ويكوّنوا الغُرز.

طيب إزاي نستخدمه؟؟
المكوك له قطعتين، المكوك نفسه

34a83219c3d43dc6bbcb9050edee1cfd

ودا الجزء اللي بنلف عليه الخيط، ومتوافر معدن وبلاستيك في محلات لوزام الخياطة.
3eceade4687ab6f67ff1d14722cff4d44351707bed4a25e7101223641f6dd491والجزء التاني،علبة المكوك.
Back Camera

ودي بيدخل جواها المكوك، وبتركب فى ماكينة الخياطة.

أول خطوة عشان نستخدم المكوك، اننا نلف عليه الخيط..
بناخد الخيط من البكرة اللي بنستخدمها للخياطة وبنلفها بالشكل اللي بيكون موضح فى كتالوج الماكينة، لان كل ماكينة ليها طريقة مختلفة في طريقة لف الخيط..

 أول ما اشتريت الماكينة، ولان الكتالوج كان صيني ومش موجود فيه اي صورة، كنت بستخدم قلم وادخل جوا المكوك واللف الخيط، بالطريقة اللي كنا بنصلح بيه شرايط الكاسيت زمان..كانت أيام لطيفة الحقيقة  😀 😀

دي طريقة لف الخيط فى واحدة من المكن
winding4
winding5

بعد ما بنلف الخيط، بناخد طرفه وندخله بالشكل دا في المكوك
winding2&3
دا مكان تثبيت المكوك، وتقريبا أغلب المكن الجديد بنفس الشكل
winding6
عشان نخلي الماكينة تشتغل على وضع المكوك، بنزق العمود المعدن اللي فى الصورة لجوا، ناحية الدايرة البيضا، وبعدين ندخل المكوك بالشكل دا.
winding7

لاحظوا إختلاف مكان العمود المعدن..
بعد كدا هنمسك الخيط بأيدينا ونشغل الماكينة بالطريقة المعتادة، كأننا بنخيط
winding8
ودا شكل المكوك بعد ما خلصنا لف الخيط عليه
winding9
بعد ما بنخلص بنرجع العمود المعدني مكانه من تاني، زي الصورة.

دلوقتي نيجي للجزء التاني، وهو تركيب المكوك في العلبة وبعدين تركيب علبة المكوك في الماكينة..

دا مكان علبة المكوك، وبرضة مش كل الماكينات مكان المكوك وطريقة تركيبة واحدة..
لكن أغلب المكن الجديد بيكون بالشكل دا..
لو الماكينة عندك مختلفة، إرجع للكتالوج.
bobbin2

bobbin3

هنطلع العلبة من الماكينة بالشكل دا

bobbin4
الطرف دا بيطلع لبرة بسهولة وبنخرج العلبة عن طريقة

هندخل المكوك جوا العلبة بالشكل دا
bobbin5

لاحظوا مكان الخيط الخارج من المكوك فين، لازم يكون الخيط في المكان دا.
دلوقتي هنشد الخيط لتحت هنلاقيه خرج من الجنب بالشكل دا
bobbin6
ودلوقتي المكوك جاهز عشان يتركب في الماكينة..
هنمسك العلبة ونطلع الطرف اللي في الوش ونمسكه كدا
bobbin7

وبعدين نركبه فى نفس المكان اللي طلعناه منه بالشكل دا
bobbin8

ولما بيركب مضبوط بنسمع تكه خفيفة..

دلوقتي هنركب الخيط في ابرة الماكينة اللي فوق، وبأيدينا هنحرك بكرة الماكينة عشان الابرة تنزل تحت للمكوك بالشكل دا
bobbin10

دلوقتي خيط الماكينة هيدخل مع خيط المكوك

bobbin11
bobbin12

وأول ما الماكينة تطلع فوق تاني هيظهر معاها خيط المكوك بالشكل دا..

هنشد الخيطين لورا، ونكون جاهزين نبدأ خياطة 🙂
bobbin14
الموضوع يبدو طويل ومعقد، لكن فى الحقيقة انه ما بياخدش دقايق..

يا ترى كنتو عارفين الطريقة دي فى تركيب المكوك، ولا في خطوات جديدة عليكم؟

الرجوع للموضوع الاصلي هنا

Miada Ibrahim

مؤسس غزل بنات.. بحب كل الافتكاسات والاشغال اليدوية.. خياطة، تريكو، كروشية او تطريز..

You may also like...

7 Responses

  1. Haneen says:

    انتي سويتي فضل عليا والله وساعدتيني جدا شكرا

  2. hoda says:

    شكرا على الشرح انا اليوم اشترالي زوجي وحدة ومعرفتش نستعملها وانتي اعطيتني الحل

  3. اميره كمال says:

    الله يكرمك اختي انا حصلتلي حاجه غريبه وانا بملا البكره بالخيط كان كل الخيط بيلف علي تحت مش عليها خالص كان علي العمود كله فحاولت اشده من فاتشال العمود كله ركبته ودفعته للجنب وشغلت المكنه بس الخيط ما لفش عليها خالص والعمود سايب من مكانه لو تعرفي ايه حل المشكله دي يا ريت ﺗﻘﻮﻟﻴﻠﻲ

  1. December 29, 2014

    […] و لو إتكلمنا عن الخياطة فلازم نذكر واحد من أهم المواضيع واللي أخد أعلى نسبة زيارات على الموقع  وهو طريقة تركيب المكوك […]

  2. February 25, 2015

    […] الباترون • ورق   ماكينة الخياطة • المكوك محتاجين مكوك لكل لون خيط مستخدم فخلي عندك دايماً زياده […]

شاركنا برأيك