طريقة عمل عقد من الصلصال الحراري

neck

للناس اللي بتحب الأكسسوارات، هنعمل خرز عقد من الصلصال بفكره بسيطة من الصلصال الحراري، ممكن تكون للكبار أو للبنات الصغيرين.

المستوى 

مبتدئ

الأدوات 

صلصال حراري
خلة سنان
خيط متين

الطريقة 

أول خطوة في عمل أي حاجة من الصلصال هي تليينه، كل لون لوحده. بنفضل نفردها ونطويها ونشكلها لحد ما نحس إن عجينة الصلصال بقت قابلة للتشكيل من غير ما تتكسر أو تتشقق.

أسهل شكل كلنا بنعمله من الصلصال هو الكرة

بنعمل كور كتير، أحجامهم والوانهم وكمان طول العقد راجع لتصميم العقد و كل واحد وذوقه.

IMGblog_1266

مثلاً ممكن نعمل عقد قصير معمول من كور صغيرة نفس الحجم واللون، أو طويل معمول من أحجام وألوان مختلفة، وممكن كمان ندمج ألوان مختلفة في الكورة الواحدة. أبدعوا!
بعد ما نحضر الكور اللي عايزينهم، بنجيب خلة سنان ونعمل الفتحة اللي حنعدي منها الخيط عشان نعمل العقد.
IMG_blog1376
طريقة عمل الفتحة : بنمسك الكرة من غير ما نضغط عليها، ونعمل خرم بخلة السنان لحد نص الكرة بس، وبعدين نقلبها ونعمل خرم من الناحية التانية واصل للأولاني.
بالطريقة دي بنحافظ على شكل الكرة من الإنبعاج
بنخبز الكور في الفرن حسب التعليمات اللي على العلبة، وبعد ما يبردوا بنستعمل خيط متين (أو أستك من بتوع الأكسسوار) عشان نعمل العقد.
 نقدر نعمل أساور بنفس الطريقة ويبقوا طقم 🙂
المصدر هنا

You may also like...

2 Responses

  1. heba al sherpiny says:

    جبت صلصال حراري ناشف جدا وبيتفتت مفيش حل بدل مايترمي نوعه sculpey”‘

شاركنا برأيك