طريقة عمل علامة كتاب من الكروشيه

1014246_10201519868933250_1371178239_n-300x300

المرة الى فاتت عرفنا إزاى نعمل وردة كروشيه سهلة ممكن نستخدمها فى حاجات كتير زى مشروع انهردة، علامة كتاب من الكروشيه.

اسم المشروع

علامة كتاب أو bookmark

الحرفة

كروشيه

الأدوات المستخدمة

ابرة كروشيه وخيط

المستوى

مبتدىء

الغرز المستخدمة 

SC = غرزة الحشو

غرزة العمود = DC

غرزة عمود بلفة = TR

الوقت

10-15 دقيقة

بعد ماعملنا الوردة المرة الى فاتت هنعرف االمرة دى ازاى نعمل الورق

خطوات العمل

beskrivning-virkat-blad

1- هنعمل 14 سلسلة وبعدين نقلبها عشان نكمل

2- فى تانى  وتالت سلسلة هنعمل غرزة حشو بعدين هنعمل فى ال3 سلاسل الى بعدهم غرزة العمود وال3 سلاسل الى بعدهم هنعمل   غرزة عمود بلفة  والسلسلة الى بعدها هنعمل غرزتين ” عمود بلفة وغرزة عمود ” مع بعض والسلسلتين الى بعدهم هنعمل غرزة عمود فى كل واحدة والسلسلتين الى بعدهم هنعمل غرزة حشو فى كل واحدة منهم وبعدين نعمل سلسلتين .

beskrivning-virkade-blad-del2

3- هنكرر فى الصف التانى من السلسلة نفس الى عملناه فى الخطوة الى فاتت هنبتدى بغرزتين الحشو زى ماقلنا وهكذا

4 – بعد مانكون خلصنا او ورقة ناخد سلسلة  “هتوصل بين الورقتين ” وبعدين نعمل 14 سلسلة تانى عشان نعمل الورقة التانية

لما تخلصو الورقتين اعملو سلسلة فى النص بينهم طويلة تبقا الفرع

جروبها وقولولنا عملتو ايه 🙂

رابط الصورة

Hanady Mousa

زوجة وأم تقرأ وتصور وتدمن الكروشية والخيوط :)

You may also like...

1 Response

  1. BautaWitch says:

    Thank you for sharing my pattern of the rose bookmark and give me credit for it! 🙂

شاركنا برأيك