غزل بنات في 2014

مع إن غزل بنات بدأ في 2013 بس 2014 كانت سنة مزدهرة الحمد لله، و بالرغم إنها مكانتش زي المتوقع بس أنا سعيدة بالإتجاه اللي أخدته. أتمنى يكون في إنجاز وتأثير أكبر في 2015 إن شاء الله.

ومع بداية السنة الجديدة لازم نفكركم بأفضل حاجات كتبناها وعملناها في 2014 أو على الأقل  الحاجات ..المفضلة لينا

كتبنا مقالات عن مواضيع ماكنتش بتتناول بالعربي قبل كده ♦

زي مثلاً دليل مستلزمات الأشغال اليدويه واللي فيه قائمة بالأماكن اللي بيتباع فيها كل مستلزمات الأشغال اليدوية من #خامات_وأدوات في أكتر من محافظة في مصر، عايزين نزود  لحد منجمع كل الأماكن، بمساعدتكم طبعاً 🙂

من المواضيع المفضلة لينا برضة هي الصلصال الحراري، واللي يعتبر حرفة جديدة نوعيًا في مصر وبيتعمل بيها حاجات رائعة لو فهمنا أنواعه وطرق إستخدامه

Picture-120-998x102411-292x300

وبمناسبة #الصلصال منسيناش الأطفال وحبهم ليه عشان كده عملنا طريقة عمله في البيت بحيث يكون مناسب للأطفال وغير سام

 إحنا بنحب #القص_واللزق والحرف الورقية جدًا وشايفين إنهم حرف منسية على الرغم من سهولتها وأهم مادة بنستخدمها في الحرف دي هي الصمغ، وعشان أنواعه كتير وبتلخبط عملنالكم دليل أنواع الصمغ

1212

 و من الحاجات المخيفة جدًا هي إستخدام الألوان، الألوان محتاجه تأني وجرأة. من أحلى المواضيع اللي كتبنا عنها هي الطباعة اليدويه و هي إزاي نستغل المواد المتاحة عندنا في تزين الورق أو القماش بطريقه جديدة

banner

 وكمان منسيناش أفكار لعمل الأشغال الورقيه المجسمه، الأفكار بسيطة وبتطلع نتيجة جميلة جدًا

10606357_762959833747980_2552026495567648840_n

 وعشان #التدوير من أرقى الإتجاهات إستغلينا الخامات المعاد تدويرها في بعض نشاطات الأطفال زي ماعملنا هنا حامل للكتب بعجلات من علبة كورن فليكس قديمة

HPIM0088-300x179

و كمان كتبنا عن التدوير في #الديكور لما دورنا ورق الكارتون وإستخدمناه لتزين بيوتنا

Zemanta Related Posts Thumbnail

  وكمان ترجمنا مواضيع كتير منها 7 طرق للإستمتاع بالأعمال الفنية مع طفلك و مواضيع متعلقة ب#الخياطة زي طريقة توسيع البطلون الجينز

  7-ways-to-enjoy-being-crafty-with-your-toddler-210x300Zemanta Related Posts Thumbnail

كلامنا عن الخياطة لا يكتمل إلا بواحد من أهم المواضيع واللي أخد أعلى نسبة زيارات على الموقع  وهو طريقة تركيب المكوك

مكوك

و لو إتكلمنا عن #التريكو و#الكروشيه فعندنا مواضيع مميزه جداً زي علامات الكروشية و التريكو وفيه طرق لعمل علامتك بنفسك. كمان مهم نعرف انواع الخيوط  والفرق بينهم. وكمان عن أنواع إبر التريكو المختلفة.

وأهم حاجه لازم نكون مطبوعة ومتاحة قدمنا قبل مانشتغل بالإبر والخيوط هي الجداول دي، وإتكلمنا بالتفصيل عن العلاقة بينهم  وطرق التصنيف وكيفيه إختيار المقاسات المختلفة في موضوع إبرة وفتلة

Yarn

من المشكلات اللي لقيناها لما نزلنا السوق هي عدم تقدير الناس للشغل اليدوي ووجود فكرة خاطئه عن الناس اللي بتحاول تعمل حاجه مفيده في حياتها ووقتها وعشان كده كتبنا سلسله عن اللاتقدير بتحكي عن المشكلات دي وحاولنا فيها نفهم الناس أكتر عننا وعن اللي بنعمله كمحاوله لتغير الصورة المنتشره –  أنا مش تيته

1912448_682220155155282_438984552_n

حبينا وإستمتعنا بكل المنتجات اللي عملناها، بس كان لينا منتجات مفضلة زي منيون وإيفا 

  IMG_0552121212      Zemanta Related Posts Thumbnail

و أكتر حاجه حابيناها ف 2014 إننا نزلنا على أرض الواقع وعملنا ورشه لتعليم مبادئ الخياطه، كانت فوق الرائعه وغيرت اتجاه المشروع بعد ماكان كله اونلاين اننا ننزل لأرض الواقع ونتفاعل مع الناس و ده اللي عايزين نعمله أكتر في 2015

1450972_804233876287242_198646486379248852_n

إحكولنا، إيه كانت أحلى ذكرى كانت بينكم وبين غزل بنات، و إيه أكتر مواضيع أثرت فيكم وإزاي؟

كل سنه و إنتم بخبر 🙂

Marwa

{عضو مؤسس/Creative Director} ‫درست و بتشتغل في مجال الهندسة المعمارية بالنسبة لها الفن إسلوب حياة، و عمل حاجات جميلة من اللاشئ هو اللي بتعيش عشانه بتشتغل تريكو، كروشيه، خياطة و أشغال ورقية، وحاجات تانية متنوعة‬‎

You may also like...

2 Responses

  1. asmaa says:

    كل المواضيع رائعة وطريقة الغرض حببتني اني اتعلم معاكم واقرب فرصة انزل فيها مصر باذن الله اتمني تكون فيه ورشه لمبادئ الخياطة واحضر فيها 🙂

شاركنا برأيك