كيفية خياطة والتعامل مع قماش الجينز

tips-sew-jeans

 الجينز من الأقمشة التي يصعب التعامل معها، وعشان كده جبنالكم بعض النصائح والتي تصلح مع التعامل مع الجينز أو الجبردين السميك أو أي قماش ليه نفس الخصائص دي.

معظم الناس بتتجنب خياطة الدنيم/الجينز لأنه قماش سميك يعني لما بيتطبق أو بتخيطي جزئين مع بعض بيبقى أسمك.

لكن لو قدرتي تتعاملي معاه بطريقة صحيحة هتكون عملية خياطة الجينز بتاعك مش صعبة.

أهم 5 نصائح لخياطة الجينز

١- قصي بمقص حاد
٢- استخدمي إبرة ماكينة الخياطة الصحيحة
٣- استخدمي نوع الخيط المناسب
٤- استخدمي رافعة
٥- أشتغلي ببطء

هي دي أهم النصائح بكل بساطة ولكن خلينا نشرحهم بالتفصيل أكتر.

١- مقص حاد

دي نقطة بديهية لأن كل الأقمشة يتطلب قصها مقص حاد ولكن بيكون التحدي أكبر في الأقمشة السميكة.

دي 5 نصائح عن الخياطة للمبتدئين هتفيدك لو محتاجه تحسني مستواك.

٢- استخدمي إبرة ماكينة الخياطة الصحيحة

في نوع معين من إبر الماكنه بيتباع مخصوص لخياطة الجينز، بس مش لازم تستخدميها، ممكن جداً تستخدمي إبرة سميكه.

إتأكدي إن إبرتك على الأقل مقاس 90/14 مقاس دولي (100/16 للجينزالسميك).

لازم الإبرة تكون مناسبة لسمك القماش اللي بتخيطيه. بالنسبة للجينز فالإبرة تكون على الأقل مقاس 14. لو أقمشة خفيفة مثلا يبقى أختاري إبرة 80/12 أو 70/11. بسيطة، صح؟


٣- إستخدمي نوع الخيط المناسب

للخياطة المعتادة إستخدمي خيط العادي متعدد الاستخدامات. لكن للخياطة الخارجيه اللي بتكون فوق التنيات والأماكن السميكه في الجينز، استخدمي خيط تقيل.

نصيحة: بعض ماكينات الخياطة مش بينفع معاها الخيط القطن المباع على أنه خيط للجينز، في الحالة دي تقدري تستخدمي خيط التنجيد.

خيط التنجيد سميك زي خيط الخياطات الخارجيه المستخدم معالجينز ولكن أنعم من الخيط القطن المخصص للجينز، وده بيخليه أقل عرضة أن ماكينة الخياطة تقطعه.

٤- استخدمي الرافعة

الرافعة (ده إسم الكاتبه ألفته) و هي عبارة عن قطعة قماش من الجينز مش محتاجاها تخليها قريبة منك وإنتي بتخيطي على الماكينة.

لما تكوني بتخيطي أجزاء سميكة زي مكان بيتقابل فيه طبقتين فوق بعض، الماكنة بتشتغل ببطء وده بسبب أن القدم الضاغط (الدواسة) غير موزون.

في الوقت ده تستخدمي قطعة القماش عن طريق أنك تطبقيها وتضعيها خلف أو أمام القدم الضاغط عشان تدي التوازن وتقدري تكملي خياطة.

٥- اشتغلي ببطئ

النقطة دي زيها زي استخدام المقص الحاد يعني بديهية.

في مناطق كتير في الجينز بتحتاجي فيها أنك تلفي العجلة اليدوية بأيدك عشان تقدري تخيطيها.

ودايما الأفضل أنك تشتغلي ببطء ويكون شغلك مظبوط من أول مرة بدل ما تضطري تفكي الغرز.

المقال ده مترجم، دوس هنا عشان تشوف المصدر

Fantosh

محررة بفريق غزل بنات الكروشيه والتريكو حلم حياتي اللي أتعلمتهم متأخر لسه بتعلم وهفضل أتعلم‎

You may also like...

3 Responses

  1. Nesma says:

    مكن سنجر المنزلي وخاصه ماكينه1412 بينفع تخيط جينز ولا

  1. February 11, 2015

    […] عكس الشيفون و الأقمشه الناعمه لازم إستخدام إبر رفيعه.و دينصائح كمان للتعامل مع […]

شاركنا برأيك