كيفية عمل رمل ملون بنفسك

HPIM0078-300x168

لسبب ما بيحسسنى الرمل الملون براحة 🙂 شفته أول مرة فى البازارات فى الغردقة معمول منه أشكال كتيرة متداخلة الألوان مبهجة ومريحة. فدورت على بنريست واكتشفت ان طريقته سهلة جدًا وكمان الأطفال هيحبو ملمسه وألوانه والكبار منهم هيستمتعوا بعمايله.

الأدوات

مش هتحتاجى غير 3 حاجات

1- رمل

2- طباشير ملون

3- مبشرة

الطريقة

1- هتجيبى الرمل وتنخليه فى صفاية عشان يشيل اى طوب صغير او شوائب

HPIM0042

2- اختارى لونك المفضل من الطباشير وابشريه فى الفتحة الضيقة

HPIM0082

3- بعد ماتبشريه قلبيهم كويس او حطيهم فى ازازة ورجيهم جامد

HPIM0053

4- ميلى الإزازة عشان اللون يكون فى جهة واحدة

HPIM0050

5- حطى لون تانى فى الجهة الفاضية

HPIM0054

6- وحطى طبقات تانية كل لون فى جهة واحدة من الإزازة هتلاقى تداخل جميل بينهم 🙂

HPIM0068

تقدرى تلعبى بالتداخل بمعلقة صغيرة او عصاية رفيعة واستمتعى 🙂

HPIM0058

Hanady Mousa

زوجة وأم تقرأ وتصور وتدمن الكروشية والخيوط :)

You may also like...

شاركنا برأيك