5 أفكار تريكو وكروشيه في الصيف

0d983167b9a7ea35b8452d8e13e7c9fb

التريكو و الكروشيه من الحرف اللي الي بندمنها لكن الصيف مش مشجع على الشغل قوي و دايما عندنا مشكله  فيه.

للناس الي نفسها تشتغل في الصيف و مش عارفه تعمل إيه، دي حاجات ممكن نعملها..

1-إتعلمي مهارات جديده أو علّمي حد

لو إنت زيي، هيبقى عندك قايمة بالمشاريع اللي نفسك تعمليها بس مش عارفة تعمليها إزاي. و طبعاً في الشتا بتشغل بالحاجات التانية اللي بتاخد كل وقتي. جمعي كل اللي نفسك تتعلميه في بورد في بنترست ، هاتي كتب و مجلات و إبدأي إرجعلهم و جربي في الوقت الفاضي ده.

2- إعملي مشاريع صيفية

و دول كتير جداً زي شغل الليسيه، ممكن توب أو بلويرو، شال صيفي، شنطة، أو ممكن كمان شراب.

3- إبدئي مشروع كبير للسنة الجاية

زي مثلاً بطانية، سواء كانت ليكي أو هنهديها لحد. ممكن كمان تشتغلي للبس الشتا للسنة الجاية، بيبقى شعور ظريف لما الموسم يبدأ و يبقى عندك مخزون لبس جديد مستني يتلبس 🙂

4- إستغلي خامات وألوان الصيف

في السوق الخامات الصيفية (زي القطن و الحرير) بتكتر و أحيانا أسعارها بتبقى أرخص، إستغلي وجودها في الصيف كتير و راعي انها متكونش مخلوطه بخامات صناعية.

 5- إشتغلي في مشاريع ملهاش علاقه بالموسم

ممكن نعمل لعب، اكسسوارات أو ديكورات للبيت، ممكن كمان نعمل هدايا.لو عندكم أفكار تانيه شاركونا.

Marwa

{عضو مؤسس/Creative Director} ‫درست و بتشتغل في مجال الهندسة المعمارية بالنسبة لها الفن إسلوب حياة، و عمل حاجات جميلة من اللاشئ هو اللي بتعيش عشانه بتشتغل تريكو، كروشيه، خياطة و أشغال ورقية، وحاجات تانية متنوعة‬‎

You may also like...

2 Responses

  1. January 19, 2017

    […] تريكو وكروشيه في الصيف – غزل بنات […]

  2. April 23, 2017

    […] تريكو وكروشيه في الصيف – غزل بنات […]

شاركنا برأيك