6 أفكار لألعاب الخرز مع طفلك

HPIM0180

انهردة هنتعرف على 6 أفكار نعملهم مع أولادنا من سن سنة و8 شهور لحد 3 سنين وأحيانًا سن اكبر من ده بيحب اللعب 🙂

الخرز الخشب هو العنصر الرئيسي الى هنستخدمها فى الكام نشاط دول.

فى الغالب بيتباع فى علب بلاستيك شوية خرز ملون، انا كنت شارية العلبة بحوالى 6 جنيه وكان فيها كمية كويسة جدًا

بناخد شوية من الخرز ونبدأ نشوف أفكار نعملها مع أولادنا بسيطة هيحبوها ويتفاعلو معاها جدًا وكل فترة ممكن نعملها نشاط مختلف عشان ميزهقوش يلا بينا ..

1-أى علبة بغطاء هتعملى فيها خرم وتحطى الخرز قدام الطفل فيها وهو هيكمل بعدك وهيحبها جدًا وهنا هيتعلم انه يركز يدخل الجون فى الشبكة 🙂

1

2-أصعب شوية من الى قبلها بس بيتعلموها بمساعدتنا فى البداية نمسكلهم الخرزة ويدخل فيها العصاية ممكن  استخدام عصيان الشيش طاووق او خيط ناشف

7

هنا ابتدى يعرف يدخل الخرز لوحده من غير مساعدتى

2

وهنا ثبتله العصيان فى غطيان ازايز بلاستيك خرمتها وممكن نثبتها بردو فى أى فوم ابيض والفكرة دى بتقوى ايدهم وتحكمهم فى الحاجة الى ماسكنها

3

3-أصعب من الى قبلهم شوية بتحتاج تركيز وقبض كويس على الكوبايات بيتعلم ينقل الخرز من كوباية للتانية بس بتكون سهلة للأطفال الكبار

4

4-ودى أصعبهم على الإطلاق للأطفال أقل من 3 سنين بالذات الى لسه مش بيعرفو يأكلو لوحدهم

الفكرة دى بتعلمهم بشكل تدريجى انهم يتعلمو يتحكمو فى المعلقة كويس وبعدها يأكلو لوحدهم من خلال نقل الخرز بالمعلقة

5

6

5-هنجيب رباط جزمة يكون له السن الى فى الطرف وندخل فيه الخرز

دى غالبا هتشتركى فيها مع طفلك لو هو أقل من سنتين ونص، لانه مبيقدرش يتحكم قوى فى انه يشد سن الرباط لكن هيستمتع انه يحرك الخرز على الرباط

HPIM0026

6-هتعمليها أنتِ ولو طفلك عارف الألوان ممكن يساعدك فى تعليم التشابه والألوان بإنك تحطى الألوان المتشابهة سوا 🙂

8

طبعًا الأفكار لا حصر لها..

انا جربت دول مع طفلى على أوقات متفرقة وبقالنا تقريبًا 5 شهور

ومع كل تجديد فكرة بيحب يلعب بيهم واكتر لعبة بيحبها انه يدخل الخرز فى الخرم بتاع العلبة 🙂

 … استمتعوا

Hanady Mousa

زوجة وأم تقرأ وتصور وتدمن الكروشية والخيوط :)

You may also like...

شاركنا برأيك